Category: Նորություններ

Նորություններ

Գիտաժողով Մայր Աթոռում

Գիտաժողով Մայր Աթոռումphoto 1
Հոկտեմբերի 18-ին և 19 ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնում իր աշխատանքն սկսեց «Եկեղեցի և պետություն փոխհարաբերություններ. Հրամայականներ և մարտահրավերներ» թեմայով միջազգային գիտաժողովը: Գիտաժողովը կազմակերպվել է Մայր Աթոռի Միջեկեղեցական հարաբերությունների բաժնի նախաձեռնությամբ և աջակցությամբ ԵՀԽ Հայաստանյան Կլոր սեղան բարեգործական միջեկեղեցական հիմնադրամի և ՀՀ-ում ԱՄՆ դեսպանատան: Իրեն ցմասնակցությունն են բերում Մայր Աթոռի միաբաններ, Քույր Եկեղեցիների հոգևորականներ, ՀՀ պետական կառույցների, ՀՀ և եվրոպական համալսարանների, միջազգային քրիստոնեական և հասարակական կազմակերպությունների, Հայաստանի տարբեր կրոնական հարանվանություններին ներկայացուցիչներ, ՀՀ-ում հավատարմագ րված օտարերկրյա դիվանագետներ:
Գիտաժողովի բացման հանդիսավոր արարողությանը մասնակիցներին ողջունեց Մայր Աթոռ Ս. Էջմիածնի Միջեկեղեցական հարաբերությունների բաժնի տնօրեն, Արթիկի թեմի առաջնորդ Գերաշնորհ Տ. Հովակիմ եպիսկոպոս Մանուկյանը: Սրբազան Հայրն իր խոսքում կարևորեց երկօրյա ժողովի անցկացումը Մայր Աթոռում` վստահություն հայտնելով, որ քննարկվող նյութերը մեծապես կնպաստեն միջեկեղեցական և միջպետական փոխհարաբերությունների առավել արդյունավորմանը: Բացման արարողությանը մասնակիցներին ՀՀ ԱԺ նախագահ Հովիկ Աբրահամյանի ողջույնի խոսքը փոխանցեց ԱԺ փոխնախագահ Հերմինե Նաղդալյանը: ՀՀ ԱԺ նախագահի ուղերձում մասնավորապես ասված է.

«Գոհունակությամբ եմ նշում այն փաստը, որ Հայոց Եկեղեցին հոգևոր արժեքների պահպանման ու

ամրապնդման նպատակով հետևողական քայլեր է իրականացնում: Մասնավորապես, օրեր առաջ գումարվեց Հայաստանյաց Առաքելական Սուրբ Եկեղեցու Եպիսկոպոսաց ժողով, ինչը հայոց հոգևոր կյանքի առաջընթացի, աշխարհասփյուռ հայության համախմբման, միակամության և միաբանության վճռական ու կարևոր քայլէր: Գովելի է, որ պատմական այդ կարևոր իրադարձությանը հետևում է եկեղեցի-պետություն փոխհարաբերություններին, առկա ու գալիք մարտահրավերներին և հրամայականներին վերաբերող այս համաժողովը: Բոլորիս է հայտնի Հայոց Առաքելական Սուրբ Եկեղեցու վեհ առաքելությունը մեր ժողովրդի քրիստոնեական դաստիարակության, հոգևոր արժեքների սերմանման, ամրապնդման ու ազգապահպանության գործում: Պատմական այդ առաքելությունը Մայր Եկեղեցին այսօր էլ շարունակում է իրականացնել Հայաստանի և աշխարհասփյուռ հայության հանդեպ` հավատարիմ մնալով մեր սուրբ հայրերի պատգամներին: Գիտաժողովի հարգելի՛ մասնակիցներ, համոզված եմ, որ ազգային խնդիրները համատեղ ջանքերով լուծելու գիտակցումը և այդ նպատակով հայրենի պետության և եկեղեցու սերտ համագործակցությունը բխում է մեր համազգային շահերից: Հայաստանի Հանրապետությունը թևակոխել է զարգացման և առաջընթացի ուղի, որտեղ կարևոր են ժողովրդավարական ինստիտուտների կայացումը, մարդու հիմնարար իրավունքների պաշտպանությունը, խոսքի և կրոնական ազատությունները: Այս առումով ես իմ գոհունակությունն եմ հայտնում, որ Հայաստանը, լինելով հնագույն քրիստոնեական արմատներ և մշակույթ ունեցող երկիր, մեծ հնարավորություններ ու պայմաններ է ստեղծել Հայաստանում գործող այլ կրոնների ու հարանվանությունների համար:
 Հայաստանյայց Առաքելական Եկեղեցին, որի պատմական բացառիկ առաքելություն նամրագրված է ՀՀ Սահմանադրությամբ, ակտիվորեն մասնակցում է միջեկեղեցական ու միջկրոնական երկխոսություններին և մեծ դեր ունի ողջ աշխարհում հանդուրժողականության, սիրո և համագործակցության տարածման գործում:
Այսօր էլ այս գիտաժողովի միջոցով Հայոց Եկեղեցին իր նպաստն է փորձում բերել ոլորտի օրենսդրական բարեփոխումների գործընթացին:
Այս գիտաժողովի ընթացքում դուք քննարկելու եք եվրոպական տարբեր երկրների փորձը: Վստահեմ, որ հարգելով խղճի և կրոնական ազատությունների մասին միջազգային սկզբունքները` հաշվի կառնեք նաև եվրոպական քաղաքակրթության մաս կազմող մեր երկրի կրոնական ու մշակութային յուրահատկությունները:
Գիտաժողովի հարգարժան մասնակիցներ, մեկ անգամ ևս ողջունելով` մաղթում եմ ձեզ հաջողություն և արդյունավետ աշխատանք»:

Հանդիպում Կաթողիկոսի հետ.

Հոկտեմբերի 18-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն ընդունեց Մայր Աթոռում անցկացվող «Եկեղեցի և պետություն փոխհարաբերություններ. Հրամայակններ և մարտահրավերներ» թեմայով միջազգային գիտաժողովի մասնակիցներին: Հանդիպմանը Մայր Աթոռ Ս. Էջմիածնի Միջեկեղեցական հարաբերությունների բաժնի տնօրեն, Արթիկի թեմի առաջնորդ Տ. Հովակիմ եպիսկոպոս Մանուկյանն Ամենայն ՀայոցԿաթողիկոսին ներկայացրեց գիտաժողովի մասնակիցներին, կարևորեց նման գիտաժողովի անցկացումը Մայր Աթոռ Ս. Էջմիածնում` հայցելով Վեհափառ Հայրապետի օրհնությունը:
 Ամենայն Հայոց Հայրապետն իր գոհունակությունը հայտնեց գիտաժողովի գումարման առիթով`ողջունելով Քույր Եկեղեցիների, էկումենիկ կազմակերպությունների, միջազգային և հասարակական կազմակերպությունների ներկայացուցիչների մասնակցությունը գիտաժողովին և իր գնահատանքը հայտնեց գիտաժողովի կազմակերպիչներին:
 Վեհափառ Հայրապետը, կարևորելով գիտաժողովի շրջանակներում քննարկվող նյութը, վստահորեն նշեց, որ այն փորձառության փոխանակմամբ պիտի փոխադարձաբար զորացնի ժողովի մասնակիցներին, նպաստի համագործակցության ամրապնդմանը և երկրում ժողովրդավարական կառույցների հզորացմանը: «Գոհունակություն է մեզ համար հաստատել, որ Հայաստանում առկա է կրոնական ազատություն, որը երաշխավորված է օրենքով: Բնականաբար, Մայր Եկեղեցին առանձնահատուկ կարգավիճակ ունի այս երկրում, որպես Ազգային Եկեղեցի, ինչն ամրագրված է ՀՀ Սահմանադրության մեջ, որով կարևորվում է Հայոց Եկեղեցու դերը մեր ժողովրդի կյանքում…: Սակայն, Առաքելական Սուրբ Եկեղեցու առանձնահատուկ կարգավիճակը երբեք խոչընդոտող հանգամանք չէ այլ կրոնական կազմակերպությունների և Եկեղեցիների համար, որոնք գործում են Հայաստանում», – ընդգծեց Նորին Սրբությունն իր խոսքում` մասնավորապես անդրադառնալով Հայ Եկեղեցու անդամակցությանը միջազգային էկումենիկ կազմակերպություններին և Քույր Եկեղեցիների հետ սերտ հարաբերություններին:
Վերստին ուրախություն հայտնելով գիտաժողովի առիթով` Ամենայն Հայոց Կաթողիկոսն արդյունավետ ընթացք մաղթեց ժողովի աշխատանքներին, որոնք մեծապես պիտի զորացնեն եկեղեցիների գործակցությունը` հանուն բարօր, արդար և խաղաղ աշխարհի:
 Վերջում Վեհափառ Հայրապետը պատասխանեց գիտաժողովի մասնակիցներին հուզող հարցերին: Հանդիպումից հետո Մայր Աթոռ Սուրբ Էջմիածնի Հին Մատենադարանի դահլիճում ժողովականները ներկա գտնվեցին ասեղնագործ-գեղանկարիչ Մարիետա Մարտիրոսյան-Ալեքսանյանի «Հոգու շարական» խորագրով ցուցահանդեսի բացմանը:

 

Երկօրյա գիտաժողովի ընթացքում «Եկեղեցի և պետություն փոխհարաբերությունների տարբեր մոդելներն այսօր» թեմայի շուրջ բանախոսեցին Սերգեյ քահանա Մատյուշինը (Ռուս Ուղղափառ եկեղեցի) և Վեր. Ասատուր Նահապետյանը (Հայ Ավետարանական Մկրտական Քրիստոնյաների Եկեղեցիների գլխավոր քարտուղար – Հովիվ): «Կրոնական ազատության բնագավառում միջազգային օրենքներն ու չափորոշիչները» թեմայի շուրջ զեկույցներով հանդես եկան դոկտոր Պետեր Կրոմերը (Ավստրիայի Ավետարանական եկեղեցու ղեկավար), մագ. Էլիզաբետա Կիտանովիչը (Եվրոպական եկեղեցիների կոնֆերանս, Եկեղեցի և հասարակություն հանձնաժողովի մարդու իրավունքների գծով գործադիր քարտուղար), Եվրոպական կառույցներում Կիպրոսի Ուղղափառ Եկեղեցու ներկայացուցիչ Հայր Նեկտարիուս Իոանիուն և Խոսե Լուիս Բազան (Միգրացիայի գծով իրավական խորհրդատու, Կաթոլիկ եպիսկոպոսների Եվրոպական հանձնաժողով): «Եկեղեցի և պետություն փոխհարաբերությունները Հայաստանում. Հնարավորություններ և մարտահրավերներ» խորագրով չորրորդ նիստը սկսվեց ՀՀ Արդարադատության նախարարի առաջին տեղակալ Գրիգոր Մուրադյանի զեկույցով: Այնուհետև բանախոսություններով հանդես եկան նաև դոկտոր Թոմաս Սամուելյանը (Հայաստանում Ամերիկյան համալսարանի իրավաբանական ֆակուլտետի դեկան), Արտակ Զաքարյանը (ՀՀ ԱԺ Արտաքին հարցերով մշտական հանձնաժողովի նախագահ) և Տիգրան Մեսրոպյանը (ՀՀ Կառավարման ակադեմիա, քաղաքագետ): Գիտաժողովի եզրափակիչ նիստի ընթացքում տեղի ունեցավ քննարկում «Եկեղեցու դերը ՀՀ հասարակական կյանքում. Մարտահրավերներ և հեռանկարներ» թեմայի շուրջ: Թեմայի քննարկման շրջանակներում անդրադարձ կատարվեց կրոնական փոքրամասնությունների հետ հարաբերություններին, համատեղ ջանքերով փորձառությունների, մոտեցումների և տեսակետների փոխանակման անհրաժեշտությանը, ինչպես նաև Մայր Եկեղեցու իրավունքները ոտնահարող գործընթացների կանխարգելմանը վերաբերող հարցերի: 
 Գիտաժողովի ավարտին Մայր Աթոռ Ս. Էջմիածնի Միջեկեղեցական հարաբերությունների բաժնի տնօրեն, Արթիկի թեմի առաջնորդ Տ. Հովակիմ եպիսկոպոս Մանուկյանը երախտագիտություն հայտնեց ներկաներին գիտաժողովին մասնակցության համար` ընդգծելով, որ նման միջոցառումները համատեղ փորձի փոխանակման միջոցով առավել պիտի նպաստեն երկխոսությունների զորացմանը: Դրական գնահատելով և ամփոփելով երկօրյա գիտաժողովի արդյունքները` մասնակիցները կարևորեցին նման գիտաժողովների գումարման շարունակական լինելը:Մեզ համար, որպես ՀԱՄՔ եկեղեցի հուշագրավ էր Միության Գլխ. Քարտուղար Վեր. Ասատուր Նահապետյանի մասնակցությունը և ելույթը գիտաժողովին: Վեր. Նահապետյանը իր խոսքում կարևորել էր Մկրտական եկեղեցու դերը ժամանակակից հասարակությունում` շեշտելով, որ Հայրենիքը եկեղեցու համար հանդիսանում է միակ տունը, որտեղ նրանք ուզում են ապրել և շինացնել: Նա իր խոսքում հիշեց, որ վերջին 200 տարվա ընթացքում ավերատանական մկրտական եկեղեցին եղել է և հանդիսանում է Հայ ժողովրդի անբաժանելի մասը: Կրելով բոլոր զրկանքները ցեխասպանության, աթեիստական շրջանի և անշուշտ իր մասնակցությունը բերելով Արցախի ազատագրական պայքարի, որի անդամները մասնակցեցին չհայտավորված պատերազմի Ադրբեջանի կողմից: Վերապատվելի հատուկ շեշտեց Մայր Հայ Առաքելական Սուրբ Եկեղեցու դերը և կարգավիճակը Հայ ժաղովրդի կյանքում: Եվ հաստատեց, որ Մայր եկեղեցին արժանապատվոր են ստանձնելը ազգային եկեղեցի կարգավիճակը ու շարունակումը կատարել իր կարևոր առաքելությունը Հայ ազգի հոգեվոր զարթոնքի ու երկրի բարորության մեջ: Ասատուր Ն. Նաև հիշեց, թե երջանկահիշատակ Վազգեն Ա Կաթողիկոսը Հայրական խնամքով պաշտպանում էր աթեիստական ռեժիմից խորհրդային տարիներին փոքր Ավետարանական Մկրտական համայնքը: Իր ելույթի վերջում Վերապատվելին դիմելով մասնակիցների ասաց, որ ցանկացած փոփոխություններ խղճի և կռոնական ազատության օրենքում չի կարելի կատարել չլսելով Ավետարանական եկեղեցեների կարծիքը, ավելին չտալով Ավետարանական Մկրտական Քրիստոնյաների եկեղեցուն և /մյուս քրիստոնեական ավանդական եկեղեցիներին/ հատուկ կարգավիճակ, որպես ավանդական քրիստոնեական եկեղեցի, ինչպես այն ընդունված է մի շարք Եվրոպական երկրներում:

Վերապատվելի Ասատուր Նահապետյան

Նորություններ

ԱՌԱՋՆՈՐԴՆԵՐԻ 14-ՐԴ ՀԱՄԱԳՈՒՄԱՐԸ

ՀԱՅ  ԱՎԵՏԱՐԱՆԱԿԱՆ  ՄԿՐՏԱԿԱՆ ՔՐԻՍՏՈՆՅԱՆԵՐԻ  ԵԿԵՂԵՑԻՆԵՐԻ

ՀՈՎԻՎՆԵՐԻ  ԵՎ  ԱՌԱՋՆՈՐԴՆԵՐԻ  14ՐԴ  ՀԱՄԱԳՈՒՄԱՐԸ

         Հուլիսի  9-11-ը   Ծաղկաձորում  տեղի  ունեցավ  ՀԱՄՔ Եկեղեցիների   հովիվների  և առաջնորդների 14-րդ  համագումարը․Համագումարի հատուկ հյուրն  ու պատգամաբերն էր  Միչիգան նահանգի Դետրոյտ  քաղաքի  Վուդսայդ Բայբլ  Եկեղեցու  ավագ   հովիվ դոկտոր Դագ Շմիթը։ Երեք օրերի  ընթացքում իր բոլոր  ելույթները հիմնված էին Նեեմիայի  գրքի  վրա։ Ատվածաշնչում  Նեեմիան  հիշատակվում է  որպես  ամենահաջողակ  առաջնորդներից  մեկը։ Նեեմիայի  կյանքի  օրինակից  մենք  կարող  ենք  սովորել  շատ  կարևոր  դասեր՝ աստվածահաճո  և հաջողակ  առաջնորդ  լինելու համար։ Դոկտոր  Շմիթը  հատուկ  ուշադրություն  էր  դարձրել հատկապես  1, 2, 3, 4, 5, 6 և 8-րդ  գլուխների  վրա  և  իր  ելույթները  բաղկացած  էին  7 հետևյալ  բաժիններից․

          Առաջնորդների  խանդավառությունն ու փափագը։ Այս բաժնում  դոկտոր  Շմիթը  ընդգծեց , որ  առաջնորդները  պետք  է  փափագ  և  խանդավառություն  ունենան Աստծո  գործի  համար։ Ինչպես  Նեեմիան, տեսնելով  Երուսաղեմի  և  տաճարի  շինության  ընդհատումը, փափագեց հավաքել  հրեաներին, վերադառնալ  Իսրայել  և շարունակել  շինարարությունը։ Սակայն  առաջնորդի  փափագն  ու խանդավառությունը  պետք է  ներկայացվի  Աստծուն  մեղքերի  խոստովանությամբ, հիմնվի Աստծո  խոստումների  և մեծության  վրա։

Առաջնորդության  կարևորությունը։ Քանի  որ  առաջնորդությունը  չափազանց  կարևոր է, կան  որոշ  անհրաժեշտ  քայլեր  առաջնորդության  մեջ  հաջողության  հասնելու  համար․ մենիկ պահեր  Աստծո  հետ, ծրագրել, տեսիլքի  բաժնեկցում  թիմակիցների  հետ  և  նրանց  ոգևորում, ընդդիմության  ակնկալում  և  գիտակցում, որ  հաջողությունը  գալիս  է միայն  Աստծուց։

Միասին աշխատելու  կարևորությունը։ Չնայած  այն  բանին, որ  առաջնորդը  յուրահատուկ  դեր  ունի  որևիցէ  գործում, առաջնորդության  հաջողության  համար  պատասխանատու  է  ոչ  միայն  առաջնորդը, այլ  ամբողջ  ժողովրդի  մեկ  մարդու  պես  աշխատելուց,  որի  համար  էլ  նրանք  Աստծո  կողմից  ստացան  թե  նյութական  և  թե  հոգևոր  օրհնություններ։

Ընդդիմության  հանդիպելը։ Առաջնորդը  պետք  է  ակնկալի  ընդդիմություն,  քանի  որ  հոգևոր  գործի  հաջողությունը  զայրացնում  է  Աստծո  հակառակորդներին։ Երուսաղեմի  և  տաճարի  շինարարության հաջողությունը  գրգռեց  Աստծո  հակառակորդների  նախանձը  , որոնք  փորձեցին  ամեն  կերպով  խոչընդոտել  այն  գործի  առաջխաղացմանը։ Առաջնորդը  պետք  է  պատրաստ  լինի  ընդդիմության  և  դրա  ծագման  դեպքում  նա  չպետք  է անակնկալի  գա, այլ  պատրաստ  լինի  պատշաճ  կերպով  դիմակայելու  ցանկացած  ընդդիմության։

Ներքին  խառնաշփոթությյան  վտանգավոր  հետևանքները։ Երուսաղեմի  և  տաճարի  շինարարության  ժամանակ  որոշ իշխաններ  անազնիվ  էին  վարվում  հասարակ  մարդկանց  հանդեպ  և  չարաշահում էին իրենց  դիրքը, որի  պատճառով  ներքին  խռովություն  առաջացավ  և  մարդիկ  բողոքեցին  Նեեմիային։ Լսելով  աղքատների  գանգատները  Նեեմիան բարկացավ  իշխանների  վրա՝ նրանց մեղքը ցույց  տալով  և  արդար լուծում  ցույց  տվեց  խնդրին։ Յուրաքանչուր  առաջնորդ  պետք  է  շատ  լուրջ վերաբերվի  ներքին խռովություններին  և  դժգոհություններին,  ի  հայտ  բերի  ցանկացած  անարդարություն  և  մեղք՝ առանց կողմնապահության, և արդար լուծում  տա այդ խնդիրներին։ Ներքին  խռովությունները  քայքայիչ  հետևանքներ  են  ունենում  եկեղեցու  համար  եթե  ճիշտ  լուծում  չտրվի։

Աստծո  խոսքի  ազդեցությունը։ Այս  բաժնում շեշտ  դրվեց  Աստծո խոսքի  գերբնական  ազդեցության  վրա։ Քանի  որ  Աստծո  խոսքն  ունի  զորություն  և  գերբնական  ազդեցություն, յուրաքանչյուր  մարդու  և  հատկապես  առաջնորդի  վերաբերմունքն  Աստծո  խոսքի  նկատմամբ  պետք  է  լինի  կշռադատված։ Առաջնորդը  պետք  է  ուշադրություն  դարձնի  Աստծո  խոսքին, ակնածանք  ունենա  նրա  նկատմամբ  և  հնազանդվի  այն  ամենին ինչ  ասում  է  Աստծո  խոսքը։ Աստծո  խոսքի  հանդեպ  ճիշտ  վերաբերմունքը  առաջնորդության  մեջ  հաջողության  գրավականներից  մեկն  է։

Գործի  լավ  ավարտը։ Գործի  լավ  ավարտն ավելի  կարևոր  է  քան  լավ  սկիզբը։ Սակայն  լավ  ավարտի  համար պետք  է առաջնորդը  լավ  ճանաչի  իր թշնամուն և նրա  մարտավարությունը , անդադար  աղոթի  և  գիտակցի, որ  Աստված  է  իր  օգնականը։ Թշնամին  և  իր  մարտավարությունը  ճանաչելը  ու  մշտապես  Աստծուն  աղոթելն  ու  ապավինելն  կտա  հաջողություն  յուրաքանչյուր  առաջնորդին։


Նորություններ

ԵՐԻՏԱՍԱՐԴԱԿԱՆ ԿՈՆՖԵՐԱՆՍ 2011

Հունիսի 9-11 Ծաղկաձորում կայացավ երիտասարդական սեմինար «Երկու թագավորություն» խորագրով: Սեմինարին մասնակցում էր 100 երիտասարդ  Հայաստանի տարբեր մարզերից և Երևանից: Սեմինարի նպատակն էր երիտասարդներին ավելին սովորեցնել Աստծու, Նրա գործերի մասին:
«Առաջին անգամ էի մասնակցում նման միջոցառման, որտեղ միայն երիտասարդներ են, և որի նպատակն էր պարզել, թե որպես քրիստոնյա երկրի քրիստոնյա զավակներ` որքան գիտենք Աստծո մասին, և թե ինչպես դա կարող է փոխել մեր ապագան»,- ասում է սեմինարի մասնակիցներից Լիլիթը:
«Իրոք շատ տպավորված եմ, և կարծում եմ, որ շատ բան ունեմ պատմելու ընկերներիս, նրանց քաջալերելու, որ անձնապես ճանաչեն Աստծուն, քանի որ միայն Աստված կարող է իրական երջանկություն տալ»,- պատմում է տպավորությունների մասին Սիրանուշը Մասիսից:
Վերջում բոլոր երիտասարդները հույս հայտնեցին, որ այս սեմինարը շարքում վերջինը չէ և ցանկություն հայտնեցին նորից հավաքվել` ասելով, որ ժամանակը քիչ էր, հարցերը` շատ:

Նորություններ

ՀԱՅ ԱՎԵՏԱՐԱՆԱԿԱՆ ՄԿՐՏԱԿԱՆ ՔՐԻՍՏՈՆՅԱՆԵՐԻ ԵԿԵՂԵՑՈՒ (ՀԱՄՔԵ) XIII ՀԱՄԱԳՈՒՄԱՐ

Համագումարի քարոզների և քննարկումների աստվածաշնչյան համարն էր` Բ Օրինաց 33:27ա էր.«Հավիտենական Աստվածը ապավեն է»:
Համագումարի ընթացքում Աստծո Խոսքից բաժնեկցեցին Դեն Դիթըն եղբայրը ԱՄՆ-ից և երեց եղբայրներ Գագիկ Թարվերդյանը և Ասատուր Նահապետյանը:
Առաջինը Դեն Դիթընը բաժնեկցեց Աստծո Խոսքից՝ Ելից 13:17-18-ից: Ամբողջ իմաստն այն էր, որ թեև Աստված Իսրայելին Եգիպտոսից դեպի ավետյաց երկիր տարավ երկար ճանապարհով, որը լի էր դժվարություններով և փորձություններով, Աստված հրաշքներով առաջնորդեց Իր ժողովրդին: Աստված անընդհատ հիշեցնում էր, որ միակ ապավենը, որի վրա Իսրայելի ժողովուրդը կարող էր իր հույսը դնել, Եհովան էր: Ելույթի ժամանակ ընդգծվեց այն ճշմարտությունը, որ հավատքը մարդու տկարությունն է, որը հենվում է Աստծո զորության վրաՀաղթանակները հոգևոր կյանքում լինում են միայն այն ժամանակ, երբ մարդը վստահում է Աստծո զորությանը և ոչ թե իր զորությանը:
Ելույթների միջև եղած ժամանակահատվածը օգտագործվեց փառաբանության և վկայությունների համար:
Այնուհետև Դեն Դիթընը խոսեց ծառայողների, մանավանդ առաջնորդների պատրաստման մասին: Հեսու 3:1-4 հատվածի և Հեսուի կյանքի օրինակի հիման վրա նա շեշտադրեց առաջնորդներ պատրաստելու կարևորությունը, ինչպես որ Աստված Հեսուին պատրաստեց նախքան նրան առաջնորդ նշանակելը: Հեսուին երկար ժամանակ պահանջվեց Մովսեսի մոտ պատրաստվելու համար, որպեսզի հետագայում Իսրայելին դեպի ավետյաց երկիրն առաջնորդեր: Իսկ Հեսուին կանչել էր Տերը, ոչ թե Մովսեսը: Եթե Աստված որևէ մեկին կանչում է ծառայության, ապա Նա պատրաստում, առաջնորդում և նրա հետ է լինում: Եթե որևիցե մեկի ծառայությունը Տիրոջ կամքը և կանչը չէ, ապա այդ ծառայողը օրհնություն և բավարարվածություն չի զգա: Եթե Աստված չի կանչել մեզ այդ ծառայության մեջ, մենք կտեսնենք, թե ինչպես են շատերը մեր շրջապատում օրհնվում, սակայն մենք չենք վայելի նման օրհնություններ: Իսկ եթե մենք կանչված ենք Աստծո կողմից, ապա մենք պետք է նաև պատրաստենք Աստծո մարդկանց իրենց հետագա ծառայության համար, ինչպես Մովսեսը՝ Հեսուին: Հեսուի հաջողությունների պատճառներից մեկն էլ կազմակերպված և լավ պատրաստված թիմ ունենալն էր:
Այնուհետև համագումարի մասնակիցներին բաժանեցին փոքր խմբերի խմբակային քննարկումների համար: Մի քանի հարց տրվեց քննարկման համար.

  1. Որքա՞ն հաստատուն է քո կոչումը։ Արդյո՞ք Տերն է կանչել քեզ և պիտի հաստատուն մնաս քո կանչված վայրում:
  2. Ի՞նչ տեսակ օրհնություններ ես վայելել, որ կուզենաս բաժնեկցել, ինչի հիման վրա կարող ես ասել, որ Տիրոջ հետ հավատարիմ քայլում ես:
  3. Որքա՞ն հաստատ կարող ես ասել, որ ունես հավիտենական կյանք և Տիրոջ հետ ես լինելու հավիտյան:

Այս հարցերից բացի մասնակիցներից յուրաքանչյուրին հանձնարարվեց հիշել Տիրոջ կատարած ամենամեծ հրաշքն իրենց կյանքում և բաժնեկցել այն բոլորի հետ: Շատ քաջալերական էր լսել այն բոլոր հրաշքների մասին, որոնք Տերը կատարել էր Իր զավակների կյանքում: Այդ բոլոր վկայությունները նորից փաստում էին, որ անկախ այն բանից, թե ինչպիսի դժվար իրավիճակով է անցնում հոգևորը, Տերը միշտ հրաշքներով առաջնորդում է նրան, եթե նույնիսկ նրան մի պահ թվա, թե ինքը մնացել է մենակ:
Այնուհետև Աստծո Խոսքից բաժնեկցեցին ՀԱՄՔԵ Միության Նախագահ՝ Վեր. Գագիկ Թարվերդյանը որը խոսեց Աստծո գործակիցների հավատարմության մասին, ՀԱՄՔԵ Միության Գլխավոր Քարտուղար՝ Վեր. Ասատուր Նահապետյանը ընդգծեց հովվական գործում Աստծո առջև հաշվետու լինելու կարևորության մասին:

Վերջում նորից ելույթ ունեցավ Դեն Դիթընը՝ կարդալով Եբր. 12:1-2-ը, որի հիմնական նպատակն էր քաջալերել առաջնորդներին <<մեծ սիրտ>> ունենալու, այլապես անհնար կլինի ավարտել իրենց առջև դրված ասպարեզի ընթացքը և դիմակայել ամեն տեսակ դժվարությունների և փորձությունների, որոնք հանդիպում են ծառայության ընթացքում: Աստծո ծառայողը պետք է համբերությամբ և առանց շտապողականության կատարի իր ծառայությունը, որպեսզի կարողանա այն ավարտին հասցնել:

Նորություններ

ՔՐԻՍՏՈՍ ՀԱՐՅԱՎ Ի ՄԵՌԵԼՈՑ, ՕՐՀՆՅԱԼ է ՀԱՐՈՒԹՅՈՒՆԸ ՔՐԻՍՏՈՍԻ

Այս խոսքերով ողջունում է միմյանց քրիստոնյա ժողովուրդը Հիսուս Քրիստոսի Սուրբ Հարության տոնի առիթով: Սակայն դա միայն խոսքեր չեն, այլ մեծագույն ճշմարտություն և իրականություն: Եկեղեցու համար մեծագույն տոնն է, որը և հռչակում է մեր Տեր Հիսուս Քրիստոսի կենդանի լինելու փաստը: Այս օրը ուրախության օր է, քանի որ Քրիստոսը հարություն է առել մեռելներից և հաղթել մահին ու դժոխքին:
Հայ Ավետարանական Մկրտական Քրիստոնյաների Եկեղեցիները ողջունում են հայ ժողովրդին և բոլոր մարդկանց Քրիստոսի հրաշափառ հարության առիթով և մաղթում օրհնություններ: Մեր աղոթքն է, որ Քրիստոսի Հարությունը պատճառ դառնա շատերի փրկության և Տիրոջը մոտենալու:

… Ահա կենդանի եմ հավիտյանս հավիտենից:
Հայտնություն 1:18